麦浚龙 谢安琪 《废话》 曲：Bert 词：林夕 编：Bert, Perry Lau & Jerald 监：麦浚龙 / Jerald
  • 创作背景 ▼
     1998 这一年，启德机场正式停用，启用香港国际机场。 搜寻引擎Google成立。 日本电影导演黑泽明逝世，享年88。 实体书步入被淘汰的阶段。印刷业亦陷入了将被遗忘距离不远。 LD (Laser Disc) 体积太大，VHS画质又来得太差。 我们在内心深处正在吸气迎接着数码化的纪元。 面对新纪元新章节，总带点未知的不安。 有人一直在说千年虫，亦有人说世界未日将至。 只知这个晚上，整个城市停电。 寒舍。 电话响起，大厦管理员在说：「⋯浦小姐，驶唔驶帮妳报警？」 浦铭心冷说「关你撚事呀。」挂线。 动气，并没什么原因，只是我的家事，不到别人管。 昏暗的睡房内，亮着微微烛光。 小女孩躺在睡床上凖备睡觉。 浦铭心静坐在床边，跟小女孩说说睡前故事。 董浦耐心听着那百听不厌的睡公主故事。 所以有关公主的故事，没一个女孩是不喜欢的，除了浦铭心。 浦铭心：「⋯最终王子锡咗公主一啖，然后慢慢公主就醒返。而咁啱，天就开始光。窗外落紧大雪。」 董浦不愿入睡：「⋯再讲多次。」 浦铭心：「喂⋯董浦，讲咗三次啰㖞⋯做乜事今晚唔肯训？」 董浦：「⋯寻晚爸爸讲完故事，发恶梦。」 浦铭心：「⋯爸爸讲咗个咩故事啊？」 董浦：「佢话曾经有个公主叫雅典娜，有一日心口俾人射咗支箭⋯」 浦铭心心里闪过一个画面：星矢⋯？ 浦铭心微笑说：「跟住呢？」 董浦：「射公主嗰个人系个坏伯伯，佢话因为公主太靓，自己太老，佢为咗唔想人哋得到公主，所以就射死咗佢。」 浦铭心：「⋯咁个伯伯点样㗎？」 董浦：「佢话个伯伯有白色长胡须，有个乌龟壳书包⋯」 浦铭心心里又闪过另一个画面： ⋯龟仙人？ 浦铭心笑了出来：「唔⋯跟着呢？」 董浦：「跟住有个男仔，佢想去救公主，但系途中跌咗落热水，出返嚟变咗个女仔。」 浦铭心心里又闪过另一个画面：热水⋯温泉⋯男变女⋯乱马？ 浦铭心：「唔⋯咁之后呢？」 董浦：「爸爸话，个男仔决定要去消灭个坏伯伯，点知揾到个坏伯伯嘅时候，个伯伯已经老死咗。」 浦铭心：「⋯」 董浦：「男仔好后悔救唔到个公主。佢好想讲对唔住，但系已经唔知可以同边个讲，男仔最后去返个热水地方旁边，起咗间木屋，自己一个人生活。而个男仔只能每次谂起公主嘅时候，就唯有跳落个热水度，化身变成女仔。继续去爱，继续去想⋯便。」 浦铭心笑了出口：「想便便嗰个想便？」 董浦大叫：「唔系啊～～爸爸话唔系用呢度（指着自己的屁股）而系用呢度。（指着自己胸口的位置）」 浦铭心想了想：「哦～想念～」 董浦：「乜系想⋯念？」 浦铭心：「想念即系好挂住一个人咁解⋯咁个结局呢？」 董浦：「跟住爸爸话要赶住返工，叫我自己谂⋯」 浦铭心苦笑。董折说的故事，明显是乱说一通，但想深一层，又有点感觉。结局，有点凄美，带点伤感。 但整体来说，这个随口胡乱说的故事，大概就总是不太适合在小孩临睡前说。 浦铭心心里不禁浮现一句话：董折，你又来留下一个难以启齿的烂摊子给我。 董浦：「妈妈，咁如果想念咁痛苦，唔要记忆咪得啰？」 浦铭心静心地想，小孩的心思多美丽。 单纯这回事，我们曾几何时都是。 浦铭心：「有啲嘢，大个啲先去慢慢探索，唔好咁急于去长大⋯嗱最后一个故事，讲完就要去瞓，好唔好？」 董浦乖乖点头。 浦铭心：「有一个地方，有一条桥，桥上面，每一日都会有个婆婆喺度煮汤，呢个婆婆叫孟婆婆。过桥嘅人，一定要先饮孟婆婆煮嘅汤，只要一饮咗，就会洗走晒所有记忆。而爸爸讲嗰个男仔，最后饮咗呢一碗汤，变返一个开心嘅人。」 董浦：「咁⋯妈妈会唔会喺度？」 浦铭心：「唔会。」 董浦：「咁爸爸呢？」 浦铭心：「都唔会。过桥嘅人，要自己一个行。」 董浦：「我惊。」 浦铭心：「呢个地方要好老好老先至去到。咁妳唔系想冇晒啲记忆咩？」 董浦：「唔想，因为唔想唔记得咗爸爸妈妈。」 浦铭心笑说：「瞓觉啦。」 浦铬心把蜡烛弄熄。 临离开房间前， 董浦：「妈妈，孟婆婆煮嘅汤唔饮得唔得？」 浦铭心笑说：「⋯我都唔知。瞓觉先，听晩话妳知。」 董浦：「⋯爸爸话可以唔饮。」 浦铭心：「⋯爸爸又话？！」 董折鼻孔插着纸巾从后出现说：「如果路过而唔想饮汤，只要话俾孟婆婆听佢煮嘅汤落错咗材料，叫佢自己试一啖，孟婆婆试咗一啖之后，咪唔记得咗要迫你饮汤啰～不过妳要扮得好似好似好似，好似爸爸依家咁（鼻孔插着纸巾）孟婆婆先信妳㗎㖞。不过都未必得，谂谂下董浦个鼻好似猪鼻咁，我谂要好多好多纸巾先至得。」 董浦尖叫不是，董折和女儿扰攘上好一会儿，董浦才肯睡觉。 关上房门，董折把鼻孔的纸巾抽出来，纸上满带鲜血。另一方靠在大厅墙边的浦铭心，透过街灯折射下见她的右眼眼皮浮肿了起来。 二人十五分钟前才刚动起手来。打斗中女儿醒来二人才停下，说说故事。 董折边洗手边说：「个鼻塞到咁，都唔知听朝点见客。」 浦铭心：「就索性话鼻塞。」 董折走到浦铭心身旁，看过她浮肿的右眼， 董折：「整只鸡蛋帮你碌。」 浦铭心冷冷地说：「悭啲啦。」 董折走进了厨房，弄弄这样弄弄那样。最终拿出一块破布，内放着熟蛋。 他把手中银戒指脱下，放进没壳的鸡蛋内。 董折：「咁样先散到啲瘀。」 董折细心地为浦铭心慢慢扫扫浮肿的右眼。 这个空间，二人静静地度过。 完事，把银戒指从蛋中抽出，发现变黑了，浦铭心另外发现到鸡蛋原来只得半只。 她问：「半只蛋咁趣致？」 董折：「见妳话悭啲，咪食咁半只先啰。」 浦铭心笑了，眼前这个董折，从来都这样无无聊聊长不透。 浦铭心：「⋯有冇谂过，咁打法，打到几耐？」 董折轻松地回答：「好似唔算打交㖞，系我俾妳抽喳嘛。」 浦铭心笑了。 浦铭心：「做乜要同小朋友讲啲咁嘅故事啊？」 董折：「开口埋口都系公主王子，好闷㗎。」 浦铭心：「佢发恶梦咪又系搞着我～」 董折：「小朋友嘅嘢，吓吓下就惯。」 浦铭心：「如果有一日，个世界冇咗灯，你估你揾唔揾到我？」 董折边清洗鼻孔边说：「有心揾嘅，实揾到㗎。（他想了想）点解咁问？」 浦铭心：「冇，无无谓谓讲下废话啫。」 董折：「讲下废话好，好过冇嘢讲。」 浦铭心：「你估我哋会唔会有一日变成咁？」 董折：「变成点？」 浦铭心：「冇嘢讲。」 董折：「有心要揾嘢讲嘅，实揾到。」 浦铭心其实早已习惯了董折那吊儿郎当的性格。总是随口说说，因为他手上经已拿着一本残旧的「幽游白书」在看。 浦铭心：「唔紧要啦，只要唔好加重我嘅负担，其余都冇乜期望。」 董折呆着静着不语，然后淡淡地说：「冇期望唔紧要，可唔可以唔好俾希望我。我惊我唔舍得。」 董折没说下去，心里有点难受。 还有话要讲没有声。 脑里闪过一个念头：谁像妳这么狠。 他拿过香烟盒，穿上踩踭皮鞋。 董折：「冇期望唔紧要，可唔可以唔好俾希望我。我惊我唔舍得。」 「我落街买烟，唔驶等我门。」 有人说，无言更令人害怕。 会伤人的，其实最终得益的到底又是谁。 站在漆黑的街道上，街灯没电。感觉有点抽离。 从小到大，人们乐于提倡，男儿不该哭，亦有人说过，落泪则代表难过失落等大世界理论。 站在无人街上，心里突然冒起落泪的冲动。 想知道什么才是最失落，就是想哭却没泪，该哭而没。 走了几步，天开始下雨。 在街上遇到一只四蹄踏雪的流浪猫。全身湿透的她很可怜。我脱去西装外套，蹲下和她一起挡雨。就这样子，静静的蛮不错。 我很累，亦不知如何走下去。 董折
  • 歌词 ▼
     恨你 憎你 粗 野 蛮 横 毒 泼 嚣 狂 啼 鸣 吠 叫 嚎 啸 嗌 只听到声浪 毒舌 黑心 酸 涩 辣 呛 乱 嘈 杂 急 声线撞 骂 咒 吼 轰 评 弹 只为了讲 没有 道理 怎么讲 但求唇枪斗忙 没废话那像吵架 若无言没语未免失望 粒粒字没意思不相干 就如情诗有时 唯求情调怒放 争锋 顶嘴 撒野 求浩壮 最怕斗唱出哭腔 时时你你好好吗吗 像哲学家 高深啊 嘴巴 吃够了 唇部能对答不好嘛 口口声声真理谁又斗胆消化 喃呒阿弥陀佛就没意义吗 唔唔喂喂喂喂 是为了大家 啊哈 你我爱漂亮废话 只想听到你好吗 念你 想你 轻 软 甜 咸 滑 痹 痴 狂 呢 喃 咏 叹 吟 诵 哄 没内容好讲 唤你 呵你 娇 俏 腻 骚 浪 浮 幻 虚 不愧是情话 舌尖很忙 吹嘘讨好处处闻啼鸟 最怕有意思想讲 时时你你好好吗吗 像哲学家 高深啊 嘴巴 吃够了 唇部能对答不好嘛 口口声声真理谁又斗胆消化 喃呒阿弥陀佛就没意义吗 唔唔喂喂喂喂 便是废话吗 啊哈 废也要你问你好吗 闲来吃饭啊 闲时想我吗 时时想我吗 字越废越升华 你我协奏多风雅 喔 哦 噢 哼 吓 啊 似红雨敲青瓦 像夜来闻落花 时时你你好好吗吗 像哲学家 高深啊 嘴巴 吃够了 唇部能对答不好嘛 口口声声真理谁又斗胆消化 喁喁细语如梦幻没意义吗 唔唔喂喂喂喂 便是废话吗 啊哈 废也要你问你好吗 呢喃吠叫嘀咕啼 喧哗胜过静悄吗 无言更害怕
播放 播放 播放
播放 播放 播放

© 2019 Chapel of Dawn Co., Ltd. 版权所有

麦浚龙 谢安琪 《废话》 曲：Bert 词：林夕 编：Bert, Perry Lau & Jerald 监：麦浚龙 / Jerald
  • 创作背景 ▼
     1998 这一年，启德机场正式停用，启用香港国际机场。 搜寻引擎Google成立。 日本电影导演黑泽明逝世，享年88。 实体书步入被淘汰的阶段。印刷业亦陷入了将被遗忘距离不远。 LD (Laser Disc) 体积太大，VHS画质又来得太差。 我们在内心深处正在吸气迎接着数码化的纪元。 面对新纪元新章节，总带点未知的不安。 有人一直在说千年虫，亦有人说世界未日将至。 只知这个晚上，整个城市停电。 寒舍。 电话响起，大厦管理员在说：「⋯浦小姐，驶唔驶帮妳报警？」 浦铭心冷说「关你撚事呀。」挂线。 动气，并没什么原因，只是我的家事，不到别人管。 昏暗的睡房内，亮着微微烛光。 小女孩躺在睡床上凖备睡觉。 浦铭心静坐在床边，跟小女孩说说睡前故事。 董浦耐心听着那百听不厌的睡公主故事。 所以有关公主的故事，没一个女孩是不喜欢的，除了浦铭心。 浦铭心：「⋯最终王子锡咗公主一啖，然后慢慢公主就醒返。而咁啱，天就开始光。窗外落紧大雪。」 董浦不愿入睡：「⋯再讲多次。」 浦铭心：「喂⋯董浦，讲咗三次啰㖞⋯做乜事今晚唔肯训？」 董浦：「⋯寻晚爸爸讲完故事，发恶梦。」 浦铭心：「⋯爸爸讲咗个咩故事啊？」 董浦：「佢话曾经有个公主叫雅典娜，有一日心口俾人射咗支箭⋯」 浦铭心心里闪过一个画面：星矢⋯？ 浦铭心微笑说：「跟住呢？」 董浦：「射公主嗰个人系个坏伯伯，佢话因为公主太靓，自己太老，佢为咗唔想人哋得到公主，所以就射死咗佢。」 浦铭心：「⋯咁个伯伯点样㗎？」 董浦：「佢话个伯伯有白色长胡须，有个乌龟壳书包⋯」 浦铭心心里又闪过另一个画面： ⋯龟仙人？ 浦铭心笑了出来：「唔⋯跟着呢？」 董浦：「跟住有个男仔，佢想去救公主，但系途中跌咗落热水，出返嚟变咗个女仔。」 浦铭心心里又闪过另一个画面：热水⋯温泉⋯男变女⋯乱马？ 浦铭心：「唔⋯咁之后呢？」 董浦：「爸爸话，个男仔决定要去消灭个坏伯伯，点知揾到个坏伯伯嘅时候，个伯伯已经老死咗。」 浦铭心：「⋯」 董浦：「男仔好后悔救唔到个公主。佢好想讲对唔住，但系已经唔知可以同边个讲，男仔最后去返个热水地方旁边，起咗间木屋，自己一个人生活。而个男仔只能每次谂起公主嘅时候，就唯有跳落个热水度，化身变成女仔。继续去爱，继续去想⋯便。」 浦铭心笑了出口：「想便便嗰个想便？」 董浦大叫：「唔系啊～～爸爸话唔系用呢度（指着自己的屁股）而系用呢度。（指着自己胸口的位置）」 浦铭心想了想：「哦～想念～」 董浦：「乜系想⋯念？」 浦铭心：「想念即系好挂住一个人咁解⋯咁个结局呢？」 董浦：「跟住爸爸话要赶住返工，叫我自己谂⋯」 浦铭心苦笑。董折说的故事，明显是乱说一通，但想深一层，又有点感觉。结局，有点凄美，带点伤感。 但整体来说，这个随口胡乱说的故事，大概就总是不太适合在小孩临睡前说。 浦铭心心里不禁浮现一句话：董折，你又来留下一个难以启齿的烂摊子给我。 董浦：「妈妈，咁如果想念咁痛苦，唔要记忆咪得啰？」 浦铭心静心地想，小孩的心思多美丽。 单纯这回事，我们曾几何时都是。 浦铭心：「有啲嘢，大个啲先去慢慢探索，唔好咁急于去长大⋯嗱最后一个故事，讲完就要去瞓，好唔好？」 董浦乖乖点头。 浦铭心：「有一个地方，有一条桥，桥上面，每一日都会有个婆婆喺度煮汤，呢个婆婆叫孟婆婆。过桥嘅人，一定要先饮孟婆婆煮嘅汤，只要一饮咗，就会洗走晒所有记忆。而爸爸讲嗰个男仔，最后饮咗呢一碗汤，变返一个开心嘅人。」 董浦：「咁⋯妈妈会唔会喺度？」 浦铭心：「唔会。」 董浦：「咁爸爸呢？」 浦铭心：「都唔会。过桥嘅人，要自己一个行。」 董浦：「我惊。」 浦铭心：「呢个地方要好老好老先至去到。咁妳唔系想冇晒啲记忆咩？」 董浦：「唔想，因为唔想唔记得咗爸爸妈妈。」 浦铭心笑说：「瞓觉啦。」 浦铬心把蜡烛弄熄。 临离开房间前， 董浦：「妈妈，孟婆婆煮嘅汤唔饮得唔得？」 浦铭心笑说：「⋯我都唔知。瞓觉先，听晩话妳知。」 董浦：「⋯爸爸话可以唔饮。」 浦铭心：「⋯爸爸又话？！」 董折鼻孔插着纸巾从后出现说：「如果路过而唔想饮汤，只要话俾孟婆婆听佢煮嘅汤落错咗材料，叫佢自己试一啖，孟婆婆试咗一啖之后，咪唔记得咗要迫你饮汤啰～不过妳要扮得好似好似好似，好似爸爸依家咁（鼻孔插着纸巾）孟婆婆先信妳㗎㖞。不过都未必得，谂谂下董浦个鼻好似猪鼻咁，我谂要好多好多纸巾先至得。」 董浦尖叫不是，董折和女儿扰攘上好一会儿，董浦才肯睡觉。 关上房门，董折把鼻孔的纸巾抽出来，纸上满带鲜血。另一方靠在大厅墙边的浦铭心，透过街灯折射下见她的右眼眼皮浮肿了起来。 二人十五分钟前才刚动起手来。打斗中女儿醒来二人才停下，说说故事。 董折边洗手边说：「个鼻塞到咁，都唔知听朝点见客。」 浦铭心：「就索性话鼻塞。」 董折走到浦铭心身旁，看过她浮肿的右眼， 董折：「整只鸡蛋帮你碌。」 浦铭心冷冷地说：「悭啲啦。」 董折走进了厨房，弄弄这样弄弄那样。最终拿出一块破布，内放着熟蛋。 他把手中银戒指脱下，放进没壳的鸡蛋内。 董折：「咁样先散到啲瘀。」 董折细心地为浦铭心慢慢扫扫浮肿的右眼。 这个空间，二人静静地度过。 完事，把银戒指从蛋中抽出，发现变黑了，浦铭心另外发现到鸡蛋原来只得半只。 她问：「半只蛋咁趣致？」 董折：「见妳话悭啲，咪食咁半只先啰。」 浦铭心笑了，眼前这个董折，从来都这样无无聊聊长不透。 浦铭心：「⋯有冇谂过，咁打法，打到几耐？」 董折轻松地回答：「好似唔算打交㖞，系我俾妳抽喳嘛。」 浦铭心笑了。 浦铭心：「做乜要同小朋友讲啲咁嘅故事啊？」 董折：「开口埋口都系公主王子，好闷㗎。」 浦铭心：「佢发恶梦咪又系搞着我～」 董折：「小朋友嘅嘢，吓吓下就惯。」 浦铭心：「如果有一日，个世界冇咗灯，你估你揾唔揾到我？」 董折边清洗鼻孔边说：「有心揾嘅，实揾到㗎。（他想了想）点解咁问？」 浦铭心：「冇，无无谓谓讲下废话啫。」 董折：「讲下废话好，好过冇嘢讲。」 浦铭心：「你估我哋会唔会有一日变成咁？」 董折：「变成点？」 浦铭心：「冇嘢讲。」 董折：「有心要揾嘢讲嘅，实揾到。」 浦铭心其实早已习惯了董折那吊儿郎当的性格。总是随口说说，因为他手上经已拿着一本残旧的「幽游白书」在看。 浦铭心：「唔紧要啦，只要唔好加重我嘅负担，其余都冇乜期望。」 董折呆着静着不语，然后淡淡地说：「冇期望唔紧要，可唔可以唔好俾希望我。我惊我唔舍得。」 董折没说下去，心里有点难受。 还有话要讲没有声。 脑里闪过一个念头：谁像妳这么狠。 他拿过香烟盒，穿上踩踭皮鞋。 董折：「冇期望唔紧要，可唔可以唔好俾希望我。我惊我唔舍得。」 「我落街买烟，唔驶等我门。」 有人说，无言更令人害怕。 会伤人的，其实最终得益的到底又是谁。 站在漆黑的街道上，街灯没电。感觉有点抽离。 从小到大，人们乐于提倡，男儿不该哭，亦有人说过，落泪则代表难过失落等大世界理论。 站在无人街上，心里突然冒起落泪的冲动。 想知道什么才是最失落，就是想哭却没泪，该哭而没。 走了几步，天开始下雨。 在街上遇到一只四蹄踏雪的流浪猫。全身湿透的她很可怜。我脱去西装外套，蹲下和她一起挡雨。就这样子，静静的蛮不错。 我很累，亦不知如何走下去。 董折
  • 歌词 ▼
     恨你 憎你 粗 野 蛮 横 毒 泼 嚣 狂 啼 鸣 吠 叫 嚎 啸 嗌 只听到声浪 毒舌 黑心 酸 涩 辣 呛 乱 嘈 杂 急 声线撞 骂 咒 吼 轰 评 弹 只为了讲 没有 道理 怎么讲 但求唇枪斗忙 没废话那像吵架 若无言没语未免失望 粒粒字没意思不相干 就如情诗有时 唯求情调怒放 争锋 顶嘴 撒野 求浩壮 最怕斗唱出哭腔 时时你你好好吗吗 像哲学家 高深啊 嘴巴 吃够了 唇部能对答不好嘛 口口声声真理谁又斗胆消化 喃呒阿弥陀佛就没意义吗 唔唔喂喂喂喂 是为了大家 啊哈 你我爱漂亮废话 只想听到你好吗 念你 想你 轻 软 甜 咸 滑 痹 痴 狂 呢 喃 咏 叹 吟 诵 哄 没内容好讲 唤你 呵你 娇 俏 腻 骚 浪 浮 幻 虚 不愧是情话 舌尖很忙 吹嘘讨好处处闻啼鸟 最怕有意思想讲 时时你你好好吗吗 像哲学家 高深啊 嘴巴 吃够了 唇部能对答不好嘛 口口声声真理谁又斗胆消化 喃呒阿弥陀佛就没意义吗 唔唔喂喂喂喂 便是废话吗 啊哈 废也要你问你好吗 闲来吃饭啊 闲时想我吗 时时想我吗 字越废越升华 你我协奏多风雅 喔 哦 噢 哼 吓 啊 似红雨敲青瓦 像夜来闻落花 时时你你好好吗吗 像哲学家 高深啊 嘴巴 吃够了 唇部能对答不好嘛 口口声声真理谁又斗胆消化 喁喁细语如梦幻没意义吗 唔唔喂喂喂喂 便是废话吗 啊哈 废也要你问你好吗 呢喃吠叫嘀咕啼 喧哗胜过静悄吗 无言更害怕